КОДЕКС НА ОДНЕСУВАЊЕ НА РОДИТЕЛИTE

КОДЕКС НА ОДНЕСУВАЊЕ НА РОДИТЕЛИTE

Кодексот на однесување на родителите претставува збир на позначајни начела и принципи кон кои треба да се придружуват и истовремено да ги почитуваат родителите чии деца се ученици на ООУ “Кочо Рацин” – Скопје

Примената на Кодексот  на однесување на родители е со цел да се даде позитивен пример на децата – ученици.

Основни начела и принципи

*           Да го почитуваат куќниот ред и законските одредби на училиштето

*           Да ја почитуваат хиерархијата во училиштето

*           Со своето однесување да даваат позитивен пример на своите деца-ученици

*           При посетите во училиштето да го почитуваат кодексот за пристојно облекување.

Соработка на родителите со наставниците

*           Да соработуваат и активно да учествуваат во решавањето на проблемите со учениците во паралелката

*           Да го подржуваат учењето на своите деца-ученици преку залагање за фер оценување

*           Да се воздржат од активности кои неоправдано би го довеле нивното дете-ученик во повластена положба при оценување во однос со другите ученици

*           Да ги почитуваат професионалните одлуки и совети на наставниците поврзани со нивните деца

*           Да го почитуваат работното време на наставниците

*           Да го почитуваат почетокот и крајот на часот и да не влегуваат на час

*           Пристојно и со почит да се однесуваат кон наставниците и да негуваат коректен однос со нив

*           Средбите со наставниците да ги реализираат на приемен час

*           Да не влегуваат во училницата ни пред почетокот на часовите,ниту по завршување на часовите

*           Да не се злоупотребуваат пријателските и роднинските врски при процесот на однесување и во целокупниот наставен процес

*           Редовно и навремено да одговараат на повикот од наставниците или стручната служба на училиштето

*           Да иницираат и по сопствена иницијатива да предлагаат мерки за унапредување на воспитно-образовниот процес во училиштето

*           Навремено да го оправдуваат отсуството на своите деца-ученици

*           Да не ја злоупотребуваат соработката со наставниците за подобар успех на своето дете-ученик

*           Кај своите деца-ученици да ги препознаваат и попречуваат евентуалните обиди со недозволени постапки да добијат поповолни отценки од објективно утврдените

*           Да не ги споредуваат резултатите и постигнувањата на сопственото дете ученик со неговите соученици

Родителски средби

*           Редовно и задолжително присуство на родителските средби

*           Почитување на времето и дневниот ред на родителските средби

*           Земање на активно учество во дискусиите со конструктивни мислења и предлози,како и почитување и уважување на мислењата на останатите родители

*           Почитување и примена на одлуките донесени на советот на родители

*           Почитување на време траењето на родителската средба,да не се напушта пред нејзино завршување

Останато

*           Навремено подмирување на финансиските обврски кон училиштето (исхрана, екскурзии и др.)

*           Земање на активно учество и вклучување во хуманитарни и добротворни акции спроведени од страна на училиштето

*           Вклучување во училишните активности и работилници

*           Придонес за зголемена безбедност на учениците во училиштето и неговата непосредна околина

*           При застанување и паркирање на своето возило да не ги попречуваат-блокираат влезовите на училиштето

*           Воздржување од коментари (позитивни и негативни) пред детето-ученик за наставникот и за останатите служби во училиштето (педагог,психолог,директор...)

 

 

ООУ Кочо Рацин,Скопје                                                                        ВД  Директор

                                                                                                            _______________

                                                                                                               Гордана Јаневска