Logo

Основно училиште

„Кочо Рацин“ – Центар, Скопје

 

Училницата заменета со општинската сала

 
Учениците од четвртите одделенија денес реализираа значајна посета на Општина Центар - Скопје, каде имаа чест да се сретнат и да поразговараат со градоначалникот на Општина Центар, г-дин Горан Герасимовски. Оваа средба претставуваше практично збогатување на нивните знаења стекнати во предметот Историја и општество, фокусирана на темата: Културно наследство на нашата општина.
​Учениците имаа можност, во директен разговор со градоначалникот, да ги споделат своите знаења и да научат повеќе за историските знаменитости, зачувувањето на традицијата и урбаниот развој на центарот на градот. Оваа средба ги збогати учениците со нови перспективи и сознанија, придонесувајќи кон нивното образование и поттикнувајќи ја нивната љубов кон својот град и земја.
 

Корисни линкови